වැස්සෙන් 12 ක් මරුට

දිවයින් පුරා අයහපත් කාලගුන තත්වය නිසා පුද්ගල අනතුර කිහිපයක්ද වාර්තා වී ඇත .එම සංඛ්‍යාව 12ක් වන අතර ඉන් මරණ 10ක්ම වාර්තා වන්නේ කළුතර දිස්ත්‍රික්කයෙනි .

කළුතර දිස්ත්‍රීක්කයේ අගලවත්ත, බුලත්සිංහල, මතුගම, වැලිපැන්න ප්‍රදේශවලින් එම මරණ වාර්තා වේ. 

බුලත්සිංහල ප්‍රදේශයේ පදිංචිකරුවෙකු අතුරුදන් වී ඇති අතර මාලබේ පොතුඅරාව ප්‍රදේශයේ නිවසක් මතට බැම්මක් කඩා වැටීම එම නිවසේ පදිංචිව සිටි යුවළක් ජිවිතක්ශයට පත්ව ඇත . 

ල ගැලීම් තත්ත්වයන් හේතුවෙන් පුද්ගලයින් විශාල පිරිසක් නිවාස වල සිරවී සිටින බවද ආපදා කළමනාකරණ මධ්‍යස්ථානය අවධාරණය කළේය .

කොළඹ, කළුතර සහ ගාල්ල යන දිස්ත්‍රික්ක වල ප්‍රධාන මාර්ග මෙන්ම අතුරු මාර්ග ද ජලයෙන් යටවී   ඇත .

ජල ගැලීම් නිසා සිර වී සිටින පුද්ගලයින් බේරා ගැනීමට නාවික හමුදාවේ හා ගුවන් හමුදාවේ කණ්ඩායම් 5ක් යොදවා ඇති බව එම මධ්‍යස්ථානය සඳහන් කරයි.

කොළඹ ,කළුතර, ගාල්ල ,මාතර සහ රත්නපුර දිස්ත්‍රික්ක වලටවැසි හෝ ගිගුරුම් සහිත වැසි ඇතිවිය හැකි බව කාලගුණ විද්‍යා දෙපාර්තුමේන්තුව පවසයි.