ජනාධිපති මහින්ද රාජපක්ෂ මහතා ලබන සතියේ චීනයේ සංචාරයක් අරඹනවා. මැයි 20 වැනිදා සිට 22 වැනිදා දක්වා ෂැන්හයි නුවර පැවැත්වෙන සමුළුවට සහභාගිවීම එහි ප‍්‍රධාන අරමුණයි. ආසියාවේ ආත්ම විශ්වාසය ගොඩනැංවීමේ සහ ප‍්‍රතිචාර දැක්වීමේ සිව්වන සමුළුවයි එහි පැවැත්වෙන්නේ. ඒ සඳහා ඉරාන සහ රුසියානු ජනාධිපතිවරුන් මෙන්ම ජගත් සංවිධාන මහ ලේකම් බෑන් කී මූන් ද සහභාගිවීමට නියමිතයි. සාමය, ස්ථාවර භාවය සහ සහයෝගීතාව පදනම් කරගත් නව ආසියාවක් ගොඩනැගීම සඳහා අනෝන්‍ය විශ්වාසය ගොඩනැංවීම සහ සංවාදය මෙම සමුළුවේ තේමාවයි. මෙම සමුළුවට ශ‍්‍රී ලංකාව සහභාගිවන්නේ ප‍්‍රථම වතාවටයි.
කෙසේ නමුත් 2013 වසරේ සමුළුවට ශ‍්‍රී ලංකාව නිරීක්ෂණ මට්ටමෙන් සහභාගි වුනා. මෙවර ෂැංහයි සමුළුව සඳහා සාමාජික රටවල් 24 ක් සහ ඇමරිකා එක්සත් ජනපදය ඇතුලූ රටවල් 9 ක් නිරීක්ෂණ මට්ටමෙන් සහභාගි වනවා.
0 අදහස්:
Post a Comment
ඔබේ අදහස් දක්වන්න