රතු විදුලි බිලත් එස්.එම්.එස් මඟින්

විදුලි පරිභෝගිකයන්ට රතු නිවේදනයෙන් යුත් විදුලි බිල්පත නිකුත් කිරීමෙන් අනතුරුව විදුලිය විසන්ධි කිරීමට පෙර ජංගම දූරකතන හරහා එස්.එම්.එස්. පණිවුඩයක් මාර්ගයෙන් බිල්පත් පියවීම සිහිකැඳවීම සඳහා නව ක්‍රමවේදයක් සකස් කිරීමට කටයුතු කරමින් පවතින බව ශ්‍රී ලංකා විදුලිබල මණ්ඩලය සඳහන් කරයි.   ඒ අනුව ඊට අදාළ වැඩපිළිවෙළ සකස් කිරීම සඳහා දූරකතන සමාගම් සමග විදුලිබල මණ්ඩලය මේ වන විට සාකච්ඡා කටයුතු ආරම්භ කොට ඇත.   ඉදිරියේ දී විදුලි පාරිභෝගිකයන්ගේ දූරකතන අංකයන් එකතුකිරීමේ කටයුතු ද ආරම්භ කිරීමට නියමිතව ඇති බව විදුලිබල මණ්ඩලය සඳහන් කරයි.