මවගෙන් ආශිර්වාද ලබා ගත් ඉන්දීය නව අගමැති

ජයග‍්‍රහණයෙන් පසු නරේන්ද්‍ර මෝඩි සිය මව හමුවී ආශිර්වාද ලබාගෙන තිබෙනවා. මෝඩි සිය 92 හැවිරිදි මව වාසය කරන නිවසට ගොස් මෙලෙස ආශිර්වාද ලබා ගත් බවයි ඉන්දීය මාධ්‍ය වාර්තා කළේ. අති බහුතර ජයක් හිමි කර ගනිමින් ඉන්දියාවේ මීළඟ අග‍්‍රාමාත්‍ය ධුරයට නරේන්ද්‍ර මෝඩි පත්වීම මේ වනවිට සහතික වී තිබෙනවා. එමෙන්ම, මෙවර මැතිවරණයෙන් තමන් ලැබූ පරාජය භාර ගන්නා බව කොංග‍්‍රස් පක්ෂය ප‍්‍රකාශ කර අවසන්. වෙනත් පක්ෂයක සහායකින් තොරව ආණ්ඩුවක් පිහිටුවීම සඳහා අවශ්‍ය ආසන සංඛ්‍යාව වන ආසන 272 ඉක්මවීමට භාරතීය ජනතා පක්ෂය සමත්වීම ද විශේෂත්වයක්. ඉන්දීය පාර්ලිමේන්තුවේ ආසන සංඛ්‍යාව 543 ක්.